Boird Fhiontraíochta Chathracha agus Chondaetha
Cuireadh na boird ar bun i mí Dheireadh Fómhair 1993 chun an mianach dúchasach a fhorbairt agus an ghníomhaíocht eacnamaíochta a spreagadh ag an leibhéal áitiúil. Agus é seo le baint amach trí raon de thacaí fiontraíochta chur ar fáil - áirítear le seo cúnamh díreach airgeadais le fiontair bheaga agus mionfhiontair a fhorbairt.

Is iad na Boird Fhiontraíochta na gníomhaireachtaí reachtúla le haghaidh forbairt an mhionfhiontair ar fud na tíre. Bunaítear gach Bord mar chuideachta faoi theorainn ráthaíochta le baill an Bhoird ag teacht ó ionadaithe toghtha áitiúla, gníomhaireachtaí eile stáit agus na páirtnéirí sóisialta.

Conas is féidir linn cabhrú libh ?
Tugann an Bord Fiontraíochta cúnamh díreach airgeadais do ghnólachtaí beaga comh maith le tacaí leanúnacha eile, mar atá :

Soláthar eolais agus comhairle ar gach gné de chonas gnólacht bheag a chur ar bun agus a fhorbairt, agus comhairle faoi raon de thacaí airgeadais atá ann don ghnólacht bheag.

· Meantóireacht gnótha agus comhairliúcháin.
· Cúnamh fhorbairt bhainistiochta, i bhfoirm thraenáil agus tacaíocht don lucht bainistíochta
· Cúnamh i bhforbairt na ríomhthráchtála
· Cúnamh margaíochta do thionscadail incháilithe
· Deontais le haghaidh staidéir indéantachta
· Cúnamh airgeadais roghnach (Réimniú 1) a d`fhéadfadh a bheith ceachtar acu, cúnamh airgeadais nó fostaíochta.
· Cúnamh inaisíoctha
· Infheistíocht Scair Tosaíochta
· Deimhniú an Bhoird Fhiontraíochta i gcomhair infheistíocht BES
· Deimhniú an Bhoird Fhiontraíochta i gcomhair na Scéime Síolchaipitil

Cúrsaí agus Meantóireacht
Solátharaíonn Bord Fiontraíochta Chathair Phort Láirge Teo. raon de sheirbhísí tacaíochta do ghnólachtaí nua sa chathair comh maith leo siúd atá bunaithe cheana.

San áireamh :

· Faisnéis Ghnótha
· Cúnamh i bpleanáil gnótha
· Seirbhís chomhairle agus comhairliúcháin
· Soláthar de sheirbhís chomhairle agus tarchuir do fhiontair a bhfuil réitigh fé leith ag teastáil uathu dá saindeacrachtaí féinigh.
· Soláthar de chláir tréanála dírithe ar fhorbairt bainistíochta don úinéir / bhainisteóir.
· Soláthar cúnaimh i bhfoirm chlár meantóireachta.

Meantóireacht Seirbhís le haghaidh daoine aonaracha nó cuideachtaí a chabhraíonn leo deachrachtaí a aimsiú le linn tréimhsí forbartha agus conas teacht ar a réiteach Deintear é seo trí comhairleóirí sealadacha a chur ar fail dóibh.

· Fáil isteach ar raon de chláir fhorbairt bhainistíochta a ligeann don ghrúpa a dthaithí a roinnt, foghlaim le chéile, agus gréasáin gnótha a bhunú. Agus feidhm a bhaint as seo go léir chun bainistíocht sna gnólachtaí beaga a fheabhsú.
Níl na seirbhísí seo don lucht gnó teoranta do fhiontair a bhfuil cúnamh i bhfoirm deontas faighte acu amháin, ach d`fhéadfadh gnólachtaí a sholáthraíonn táirgí nó seirbhísí - nach dtabharfadh an Bord cúnamh dóibh de ghnáth - a bheith san áireamh.

Scéim Síolchaipitil
Tugadh an scéim seo isteach i 1993 agus cuireadh leis i 1995. Tá sé ann le haisíoch cánach, íochtha thar
tréimhse cúig bliana, do dhuine a dhéanann infheistíocht agus a ghlacann le fostaíocht le cuideachta nua. Ní mór don chuideachta a bheith bainteach le gníomhaíochtaí dála déantúsaíocht, feirmeóireacht éisc, roinnt cúrsaí turasóireachta, taighde agus forbairt, seirbhísí trádálaithe go hidirnáisiúnta agus gníomhaíochtaí atá le déanamh san áis malairte atá curtha ar bun ar an láthair a bhfuil Duganna Theach an Chostaim ann.

Ní mór dos na gníomhaíochtaí a bheith cáilithe, ag gníomhaireacht ábhartha, ag deimhniú go bhfuil sé ina fhiontair nua bona fide.

Cuireadh leis an bpróiseas deimhniúcháin san Achta Airgeadais 1997, a chuir Boird Fhiontraíochta Cathracha agus Condaetha san áireamh mar ghníomhaireachtaí deimhniúcháin.

Tuilleadh eolais le fáil ó na Coimisinéirí Ioncaim.

Infheistíocht BES :
Glactar leis anois gur cuideachtaí cáilithe iad le haghaidh iarratas a dhéanamh ar mhaoiniú BES, na cuideachtaí sin atá ag soláthar seibhísí trádálaithe go hidirnáisiúnta agus atá tar éis cúnamh airgid i bhfoirm deontas a fháil ón mBord Fiontraíochta. Tugadh an t-athrú seo isteach san Acht Airgeadas 2001, Acht a leasaigh an Acht Cánacha Comhdlúite 1997. Tháinigh sé i bhfeidhm 6 Aibreán 2001.

Is iad na tionscail seirbhíse atá sonraithe ag an Ordú Aire (S1 Uimh. 253, 1998) faoi Alt 3 (I) den Acht um Fhorbairt Tionsclaíochta, 1986, ná :

· Forbairt Bhogearraí
· Próiseasáil Sonraí agus Tráchtáil Leitreonach
· Seirbhísí Teicneolaíochta agus Comhairleachta
· Seirbhísí Saotharlainne Trachtála
· Ionad Riaracháin, Seirbhísí Comhordaithe agus Seirbhísí ón gCeannceathrú
· Seirbhísí Taighde agus Forbartha
· Seirbhísí meán cumarsáide, il-mheán cumarsáide agus Taifeadta
· Seirbhísí Siamsaíochta agus Fóillíochta
· Seirbhísí Tréanála
· Seirbhísí Foilsitheóireachta
· Seirbhísí Idirnáisiúnta Airgeadais
· Seirbhísí Cúram Sláinte
· Seirbhísí i leith na Tógála
· Seirbhísí Comhshaoil
· Seirbhísí bainistíochta Loighistice

Féach An Cháirt don Chustaiméir againn