Deontais Indéantachta - Atá le hUllamhú

2. CÚLRA AN LUCHT BAINISTÍOCHTA / TIONSCNÓIRÍ

Ba chóir cur síos a dhéanamh anseo ar do chúlra féin maidir le oideachas, cáilíochtaí, cúrsaí déanta agus araile a d`fhéadfadh a bheith bainteach leis an togra agus leis na daoine atá páirteach sa tionscadal

Cuir san áireamh aon taithí praiticiúil oibre faighte agat. Má tá sé ar intinn agat daoine eile a fhostú déan cur síos ar na rólanna acu, a gcuid oideachas, riachtanaisí, taithí oibre i.e. an structúir bainistíochta agus freagrachtaí.

3. CUR SÍOS AR AN TÁIRGE / SEIRBHÍS / AN PRÓISEAS TÁIRGÍOCHTA

Déan cur síos go mion ar an togra agus tabhair sonraí faoin bpróiseas táirgthe (má`s déantúsaíocht atá i gceist), aon riachtanaisí dearaidh agus maidir le seirbhísí an saghas saineolas a bheadh riachtanach don ghnó. Ba chóir go bhfaighfeadh éinne a léifeadh an mhír seo léargas leathan ginearálta ar an bhfiontar gan an iomarca mionsonraí.

Inneallra agus Trealamh: Cur síos gairrid maidir leis an saghas trealaimh riachtanach, cé uaidh a bhfuil sé le fháil agus cad é an costas measta.

Amh-Ábhair: Tuairisc, infhaighteacht agus soláthóirí

Áitreamh don Tionscadail: An láthair, méid/oiriúnacht, seirbhísí agus costais. Cé go bhféadfadh sé bheith deachair ag an bpointe seo láthair cinnte a dheimhniú, ba chóir roinnt sonraí a thabhairt ar an saghas ceantair agus an sórt foirgnimh a d`fhéadfadh a bheith i gceist - láthair i lár na cathrach mar shampla agus araile. Má tá sé ar intinn agat a bheith ag obair ón mbaile ba chóir e seo a rá agus má tá athraithe don teach le dhéanamh - athraithe don gharáiste mar shampla, ba chóir sonraí den chaiteachas a thabhairt.
4. SONRAÍ MARGAÍOCHTA

Is é seo b`fhéidir an chuid is tábhachtaí de sna míreanna go léir agus déanfaidh sé, a bheag nó a mhór, inmharthanacht an tionscadail a chinneadh. Is fearr ar fad má`s féidir sa mhír seo aon taighde margaíochta nó seirbhé atá déanta a chur ar fáil.

Ba chóir sa mhír seo tuairisc a thabhairt ar an margadh fé leith agus an plean margaíochta atá molta agat. Is iad na saghasanna sonraí margaíochta a bheadh le háireamh ná an sórt margaidh, na tréithe fé leith, structúir, codanna agus araile. Cé comh mór is atá an margadh maidir le méid díolacháin agus luath díolacháin agus cé acu baile nó easpórtáil. Cé hiad na iomaitheoirí agus an scair den mhargadh acu.

Ba chóir na rudaí seo leanas a chur sa Phlean Margaíochta:

Díolachán measta / scair den mhargaidh

Dearadh táirge , pacáistíocht

Sonraí praghasanna, téarmaí díolacháin, structúir lascainithe agus araile

Modhanna dáileacháin

Modhanna díolacháin

Structúr na gcustaiméirí i.e. líon agus limistéir

Cur chun cinn díolacháin / pleananna fógraíochta

5. LÁIMHDEACHAS / RÉAMH-MHEASTÚCHÁIN AIRGEADAIS

Tá sé tábhachtach go dtabharfaí aird fé leith ar cheist an láimhdeachais. Go háirithe ar leibhéil an díolacháin is dóighiúil i rith an tréimhse réamh-mheastacháin airgeadais (de ghnáth ar bhonn míosúla i rith na bliana dár gcionn) Ba chóir mion-ráiteas sreabhadh airgid thirim a ullamhú ansin, ar a laghad don bhliain dár gcionn (mí i ndiaidh míosa)

Tabhair costais mheasta ar gach riachtanas

Foirgnimh

Trealamh / inneallra - sonraigh na príomh-nithe, costais charraeireachta agus insuiteála san áireamh

Daingáin agus feistas

Trealamh oifige

Mótar-fheithiclí

Caipiteal oibre - airgead ag teastáil leis an ngnó a reachtáil ó lá go lá
i.e. stoc, féichiúnaithe agus araile.

6. BRABÚSACHT

Ba chóir Clár Comhardaithe, Clár Trádála agus Clár Brabúis is Cailliúna thar tréimhse 3 bliana a bheith sa mhír seo.

Ioncam díolacháin

Costais díolacháin

Costais airgeadais, riaracháin ginearálta agus díola

Chun tacú le do phleananna ba cóir mion-sonraí faoi chostais a sholáthar. Is féidir go mbeadh comhairle ghairmiúil ag teastáil chuige seo.

Cé tá Incháilithe ?

Chun a bheith incháilithe do mhaoiniú don tionscadal agat ní mór na critéir seo leanas a chomhlíonadh:

Ní mór do sna tionscadail a bheith san earnáil tráchtála
Ní mór dóibh a bheith in ann inmharthanacht eacnamaíochta a bhaint amach gan a bheith ag síor-bhrath ar thacaíocht nó fóirdheontas.

Ní mór léiriú go bhfuil margadh cinnte ann don táirge/seirbhís molta

Ní mór go leor airgid a bheith ann leis an tionscadal a mhaoiniú

Ní mór do sna tionscnóirí an cumas bainistíochta agus teicneolaíochta a bheith acu le forbairt an tionscadail a thabhairt i gcrích.

Ní mór do thionscadail a gheibheann cúnamh deontais a bheith in ann fostaíocht nua díreach a chruthú de réir leibhéal na tacaíochta deontais atá á lorg, nó ar a laghad cur go díreach le cothú na fostaíochta i mion-ghnó atá ann cheana.

Ní cóir do thionscadail a gheibheann cúnamh cur isteach ar, nó dul i gcomórtas le haon chomhghnó eile sa cheantar sa tslí is go mbeadh asáitiú postanna i gceist.

Ní mór do thionscnóirí, polasaithe a shásamh i dtaobh a bheith glan ó cháin agus ábhair gaolta,

Ní bheidh cúnamh i bhfoirm deontas, ag cur leis nó in áit de, aon chúnamh deontais eile atá ann cheana ó aon áisínteacht eile stáit.

Ní chuirfear deontas ar fáil le haghaidh aon tionscadal nach dtagann le polaisithe Náisiúnta nó de chuid an Aontais Eorpaigh

Ní thabharfar cúnamh i bhfoirm deontais go cúlghabhálach

Ní mór do tionscadail a gheibheann cúnamh a bheith sách beag

D`fhéadfadh an Bord cabhrú le tionscadail a thagann lena bplean féin; mar shampla an earnáil déantúsaíochta agus seirbhísí a thrádáltar go hidirnáisiúnta, agus le comhlachtaí a d`fhéadfadh suas go dtí deichniúr a fhostú, ach gan iad siúd a bhfuil baint acu cheana leis an IDA nó le Fiontraíocht Éireann

Ní mór do sheirbhísí curtha ar fáil go háitiúil critéir an Bhoird sa réimse seo a shásamh

Ba chóir do thionscnóirí a thaispeáint :

Go bhfuil margadh ann don táirge nó don seirbhís molta

Go mbeadh acmhainn airgeadais ann leis an tionscadal a mhaoiniú

Go bhfuil an lucht bainistíochta agus an acmhainn teicneolaíochta ann leis an tionscadal a thabhairt i gcrích

Ní fhéadfadh feidhm a bhaint as an gciste chun tacaíocht le tionscadail atá i gcontrárthacht le polasaí an phobail, ná ní fhéadfadh feidhm a bhaint as chun tacaíocht dúbailte a thabhairt do thionscadail atá incháilithe le cúnamh a fháil ó aon struchtúr nó earnáil eile a thugann deontais.