• Réamhrá
• Spriocanna
• Margadh
• Díol agus dáileadh an táirge/seirbhíse agat
• Baill foirne tábhachtacha
• Lucht bainistíochta
• Baill foirne
• Sonraí gnó
• Sonraí táirgíochta
• Réamhfhaisnéis den Sreabhadh airgid thirim
• Breis eolais
• Achoimiriú

Réamhrá
Is minic a mhaítear gurb ionann an Plean Gnó agus mapa bóthair. Ba chóir go dtaispeánfadh sé cá bhfuil tú, cá bhfuil do thriall agus conas an ceann scribe a bhaint amach Le dul chun cinn a dhéanamh sa saol seo bíonn gá le pleanáil, le monatóireacht ar a bhfuil déanta agat agus le gníomh láthair is atá tú tar éis dul ar strae. Cuimhnigh mar sin nach plean dolúbtha é agus chun a bheith éifeachtach ní mór úsáid a bhaint as agus athbhreithniú a dhéanamh le athraithe sa saol gnótha a láimhseáil.

Ullamhaigh plean cuimsitheach ach déan iarracht a bheith comh gear agus is féidir. Déanfaidh sé seo níos éasca do infheisteoirí, áisínteachtaí stáit agus iasachtóirí breathnú air agus tuairim a thabhairt. Cuimhnigh, níl éinne ag lorg tráchtas fada ach doiciméad atá gonta, ábhartha agus déanann cur síos díreach ar cad tá i gceist.

Seo leanas sampla amháin de phlean gnó a chabhróidh leat do cheann féin a chur le chéile. Ná bac ach leis na míreanna a bhaineann led` thionscadal gnótha féin.

1 Spriocanna:

• Cén fáth go bhfuil tú ag tosnú do ghnólacht féin?
• Cad is mian leat a bhaint amach?

2 Margadh:

• Cad é an sprioc-mhargadh agat?
• Cá bhfuil an margadh sin lonnaithe?
• Cé hiad na custaiméirí agat?
• Cé comh mór agus a d`fhéadfadh an margadh a bheith?
• An bhfuil an margadh ag fás, statach nó ag titim?
• An féidir an táirge/seirbhís agat a dhíol thar lear?
• Cé hiad na hiomaitheoirí agat agus cad tá á chur ar fáil acu?
• An bhfuil taighde margaidh cruinn déanta agat?
• An bhfuil athraithe ar siúil sa mhargadh a chuirfeadh isteach ar do ghnó féin?

3. Díol agus Dáileadh do Tháirge/Seirbhís

Anois agus taighde cruinn margaidh déanta agat tabhair aghaidh ar na rudaí seo leanas:

• Cad iad na sain-thréithe ag do tháirge/seirbhís agus cad iad na tairbhí breise aige i gcomporáid le táirgí/seirbhísí atá ann cheana
• Déan cur síos air ag tabhairt sonraí i dtaobh brandaíocht, dearadh, pacáistíocht agus araile
• Cad é an díol a bhfuil tú ag coinne leis agus cén scair den margadh é? Taispeáin é seo mí ar mhí go ceann trí bliana
• An bhfuil sé ar intinn agat athraithe a dhéanamh agus cad tá á dhéanamh ag do iomaitheoirí?
• Conas a dhéanfaidh tú é a dhíol agus a dháileadh?
• Cé hiad na bunchustaiméirí agat, a líon agus cá bhfuil siad lonnaithe?
• Conas a chuirfidh tú an táirge/seirbhís agat chun cinn agus conas a chuirfidh tú feachtas fógraíochta i bhfeidhm?
• An bhfuil Straitéis Chaidrimh Phoiblí ag teastáil agus má`s ea sonraigh é

4. Baill Foirne Tábhachtacha

Tabhair na sonraí seo leanas ar na baill foirne tábhachtacha

• Ainm agus sonraí pearsanta
• Cáilíochtaí ábhartha don ghnólacht
• Réamh-thaithí gnótha agus oibre
• Taithí bainistíochta
• Sonraigh cúrsaí ábhartha atá déanta acu
• Sonraí dá gcuntas bainc agus sócmhainní pearsanta

5. Lucht Bainistiochta:

• Sonraigh an struchtúr bainistíochta agus eagraíochta agat
• Déan cur síos ar fhreagrachtaí an luchta bhainistiochta
• Tabhair sonraí an luchta bhainistíochta, cáilíochtaí, taithí agus araile
• Aibhsigh na scileanna a bhíonn riachtanach sa chineál gnó seo, go háirithe ó thaobh na laigí de agus conas dul i ngleic leo.

6. Baill Foirne:

• Déan liosta de scileanna na mball comh maith le scileanna eile nach mór dóibh iad a fháil ó taobh amuigh den ghnólacht
• Tabhair jabthuairisc gearr ach beacht comh maith leis na costais mhíosúla agus bliantúla a bhfuil coinne leo

7. Sonraí Gnó:

• Ainm na gnólachta, ainm trádála, seoladh, teilefón, facs, ríomhphost, idirlíon agus araile
• Abair an bhfuil tú ag trádáil mar chomhlacht teoranta, páirtíocht nó trádálaí aonair. Cuir cáipéisí cúltaca ar fáil lena é seo a chruthú
• Gníomhaíochtaí Gnótha
• Abair cathain a thosnaigh tú ag trádáil nó cathain a bhfuil sé ar intinn agat tosnú
• Tabhair sonraí i dtaobh an chomhairleora dlí agus an cuntasóir agat
• Uimhir CBL, má bhaineann

8. Sonraí táirgíochta:

Ba chóir próiseas táirgíochta na dtáirgí/seirbhísí agat a mhíniú go soiléir, i dtreo is go dtuigfeadh an té atá á léamh, an gnó agat ina iomláine. Sonraigh na hamh-ábhair riachtanach, a gcostas agus cad iad na foinsí soláthair.

9. Réamhfhaisnéis Shreabhadh Airgid Thirim

D`fhéadfadh cabhair a bheith ag teastáil chun réamhfhaisnéis shreabhadh airgid thirim a chur le chéile, mar tá sé thar a bheith tábhachtach go ndéanfaí go cruinn agus go réalaíoch é. Cuirfidh sé seo in iúil duit cé mhéid airgid thirim a bheidh ag teastáil ón ngnó sa toghchaí.

• 
  Déan liosta de chostais áitrimh, feithiclí, inneallra, trealamh oifige
• Taispeáin an bunús atá leis an bpleanáil atá déanta agat, costais díolacháin, riaracháin agus díola
• Tabhair sonraí i dtaobh infheistíochta ó thionscnóir, nó go príobháideach; cúnamh i bhfoirm deontais comh maith le haon mhaoiniú a bheidh riachtanach ó aon institiúid iasachtaithe

Breis Eolais

• Cá bhfuil an ghnólacht lonnaithe? Cé comh mór is atá sé agus a oiriúnaí is atá sé don ghnó agat?
• Abair an bhfuil sé ar intinn agat an áitreamh a bheith ar léas, ar cíos nó ar bhonn é a cheannach
• Faoin mír sreabhadh airgid thirim beidh tú tar éis a lua an inneallra, feithiclí, trealamh agus araile a bheidh ag teastáil, anois ní mór a mhíniú an bhfuil sé ar intinn agat iad a fháil ar léas, ar cíos nó iad a cheannach.

Achoimre

Sa mhír seo déan athbhreithniú gearr ach cruinn ar an bplean gnó agat

Anois agus an dréacht-phlean ullamh agat déan é a athléamh le deimhin a dhéanamh de nach bhfuil aon rud fágtha amach nó aon chuid de atá i ngá a athdhéanamh. Tar éis é seo a dhéanamh tá sé inmholta go ndéanfaidh duine éigean eile é a léamh agus a iniúcadh. Tugann sé seo an deis duit tuairim chriticiúil ach cairdiúil a fháil roimh tabhairt an phlean do dtí na gníomhaireachtaí deontais, na bainc agus eile.

Is fearr ar fad easnaimh nó easpa éigean a aimsiú ag an bpointe seo ná iad a thabhairt chun soluis níos déanaí nuair a bheifeá ag lorg maoinithe nó infheistíochta.