Is é an ráta caighdeánach de cháin chorparáide ná 12.5%

Ina theannta sin tá ráta cánach corparáideach i bhfeidhm de 12.5% ar ioncam de mhionghnólachtaí/grúpaí nach mbíonn ioncam trádála níos mó ná €254,000 acu. Bíonn imeall-fhaoiseamh i le fáil má bhíonn an t-ioncam trádála idir €254,000 agus €317,500.

Déantar cáin a ghearradh ar earraí a déantar in Éirinn agus ar roinnt ghníomhaíochtaí seirbhíse ar ráta 10%. Leanaigh an faoiseamh seo go dtí an Nollag 2010.

Ach ghearrfear ráta cánach corparáide de 25% ar ioncam neamh-thrádála an chomhlachta.

Bíonn sé d`fhiacha ar an gcuid is mó de ghnólachtaí, cláru le haghaidh CBL (cáin breis luacha), fé réir uasteora bliantúil láimhdeachais de €25,500 i dtaobh soláthar seirbhísí agus €51,000 i dtaobh soláthar earraí. Ciallíonn sé seo nach mór duit cuntas den CBL a choimeád.

I gcás nuair a bhíonn an láimhdeachas bliantúil fé bhun an teora, níl aon riachtanas ann míniú a thabhairt ar CBL ach d`fhéadfá é a thabhairt uait féin má`s maith leat. An tairbhe atá le fáil ó a bheith cláraithe le haghaidh CBL is ea gur féidir le soláthóirí atá cláraithe le haghaidh CBL, aisíoc nó creidmheas a éileamh ar CBL atá íoctha acu ar cheannacháin dá ngnólachtaí féin.

Is iad na rátaí CBL atá i bhfeidhm faoi láthair ná:

21% An ráta caighdeánach ar earraí agus seirbhísí nach réiminítear iad mar eisceachtaí nó nach bhfuil fé réir CBL ag na rátaí thíos

13.5% An ráta atá i bhfeidhm ar sheirbhísí tógála, iostas óstáin, cairr ar cíos gearrthéarmach, nuachtáin, iriseáin, aidhléis, béilí in óstáin/bialann, dul go dtí pictiúrlann, seirbhísí ginereálta talamhaíochta agus tréidlíochta, seirbhísí ginereálta deisiúcháin agus cothabhála, maoin (léasanna ruílse agus fada)

4.4% An ráta ar chapaill, beostoc agus táirgí áirithe talamhaíochta

0% Ar éadaí páistí, bia, leigheasanna tríd an mbéal, leabhair áirithe, trealamh áirithe leighis agus fearas agus earraí a onnmhairítear iad.

Táthar tar éis an clárú do réimse ar bith cánach a shimpliú, agus is mar a leanas an fhoirm chuí chlárúcháin le haghaidh cánach do gach réimse gnótha:

· Ba chóir do thrádálaí aonair nach bhfuil ag coinne le láimhdeachas níos mó ná €126,973 sa bhliain, FOIRM STR a chomhlíonadh

· Ba chóir do thrádálaí aonair comh maith le páirtíochtaí a bhfuil ag coinne le láimhdeachas níos mó ná €126,973 sa bhliain, FOIRM TR1 a chomhlíonadh

· Ní mór do chomhlachtaí teoranta FOIRM TR2 a chomhlíonadh

Tá mionfhaisnéis agus sonraí le fáil ó sna Coimisinéirí Cánach agus is féidir teangmháil a dhéanamh leo ag an oifigh áitiúil nó dul go dtí an Small Business Page acu ag www.revenue.ie.

Conas is féidir liom cuntas bainc a oscailt?

Tá Treoir an AE faoi sciúradh airgid i bhfeidhm in Éirinn agus tá na institiúidí airgeadais tar éis glacadh le imeachtaí chun cloí leis an treoir. Is iad na himeachtaí seo leanas a bhaineann:

· Ní mór do thrádálaí aonair a theastaíonn uaidh cuntas a oscailt, pass reatha nó ceadúnas tiomána agus bille fóntais a thabhairt leis go dtí an banc

· Ní mór do thrádálaí atá ag feidhmiú faoi ainm trádála, an teastas bunaidh faoi chlárú an ainm thrádála a bheith aige.

· Tá sé de riachtanas ar chomhlacht teoranta liosta de sna stiúrthóirí a thabhairt, an post acu sa chomhlacht agus sonraí i dtaobh an méid scaireanna a bhfuil acu. Iarrfar ort comh maith sonraí pearsanta na stiúrthóirí a sholáthar, dáta breithe, seoladh agus araile. Iarrfar ar chomhlachtaí nua-bhunaithe cóip den Meabhrán agus Airteagail Chomhlachais an chomhlachta, teastas bunaidh corpraithe, seoladh na hoifige cláraithe, rún a ghlac na stiúrthóirí leis ag ceapadh banc áirithe mar bhaincéirí an chomhlachta agus eolas don bhanc faoi conas a dhéanfaí tarraingt ar an gcuntas agus cé a shínódh.